Կարին Հովհաննիսյանի՝ «Ես մենակ չեմ» ֆիլմը մասնակցում է Տորոնտոյի միջազգային խոշոր կինոփառատոնին, որն ամեն տարի ունենում է շուրջ 480 հազար հանդիսական: Այս տարի անցկացվելու է 44-րդ անգամ: Մեկնարկել է սեպտեմբերի 5-ին, ավարտվելու է 15-ին:
«Ես մենակ չեմ»-ի համաշխարհային պրեմիերան այս կինոփառատոնի շրջանակներում տեղի է ունենալու սեպտեմբերի 7-ին:
Փառատոնին ներկայացվել են վավերագրական ևս 29 ֆիլմ:
Ֆիլմի գլխավոր պրոդյուսերն ու սաունդթրեքի հեղինակը հայտնի ռոք երաժիշտ, System of a Down խմբի մենակատար Սերժ Թանկյանը:
«Ես մենակ չեմ»/«I Am Not Alone» ֆիլմում ամբողջացվում են Հայաստանում տեղի ունեցած յուրահատուկ հեղափոխության դրաման ու ընթացքը:
Ֆիլմում տեղ են գտել մի շարք հարցազրույցներ, որոնք տվել են ՀՀ վարչապետ Նիկոլ Փաշինյանը, վարչապետի տիկին Աննա Հակոբյանը, ՀՀ ոստիկանության պետ Վալերիյ Օսիպյանը, հայտնի ռոք երաժիշտ, System of a Down խմբի մենակատար Սերժ Թանկյանը, քաղաքական գործիչ Րաֆֆի Հովհաննիսյանը եւ ուրիշներ:
