Ըստ կլիմայի փոփոխման միջկառավարական խմբի փորձագետների (IPCC) զեկույցի, որը կհրատարակվի 2014-ին՝ մոտակա տասնամյակներին, կլիմայական փոփոխությունների պատճառով, կյանքը երկրի վրա կտրուկ կդժվարանա:
Ըստ փորձագետների՝ կլիմայական փոփոխությունները տնտեսական աճի նվազման և աղքատ երկրներում բնակիչների թվի կրճատման պատճառ կդառնան: Իսկ տարվա որոշ եղանակներին երկրագնդի առանձին մասերում օդի բարձր ջերմաստիճանի պատճառով այս շրջաններում մարդկային ցանկացած գործունեություն անհնարին կլինի: Շինություններից դուրս գտնվելն իրենից մահացու վտանգ կներկայացնի:
Փորձագետների կարծում են, որ մոտակա տասնամյակներին կաճի ջրհեղեղների, անտառային հրդեհների զոհերի, համաճարակներից և սովից մահացածների քանակը: Առաջին հերթին աղետներից կտուժեն աշխարհի աղքատ երկրների բնակիչները:
