Այսօր ԱԺ էթիկայի հանձնաժողովը դռնփակ նիստով քննել է մի խումբ լրագրողների դիմումն ընդդեմ ԱԺ պատգամավոր Առաքել Մովսիսյանի, ով դեկտեմբերի 23-ին տեղի ունեցած ԱԺ նիստի ժամանակ վիրավորական արտահայտություններ հնչեցրեց բողոքի ակցիա կազմակերպած լրագրողների հասցեին:
Բողոքի ակցիայի ընթացքում ԱԺ պատգամավոր Առաքել Մովսիսյանը նստած տեղից բացականչեց. «էս կապիկներին էլ հանեք ստից»:
Հիշեցնենք, որ ամիսներ առաջ Էթիկայի հանձնաժողովը հրաժարվեց քննել ԱԱԾ տնօրեն Գորիկ Հակոբյանի դեմ ուղղված դիմումը:
Իսկ եզդի ժողովրդին վիրավորած Մանվել Բադեյանի դեմ ուղղված դիմումը դեռևս քննվում է:
