Մադրիդի «Ռեալի» հարձակվող Էդեն Ազարն ԱՄՆ-ում վիրահատվել է: Այս մասին հայտնում է ակումբի մամուլի ծառայությունը:
Վիրահատությանը ներկա են եղել նաև արքայական ակումբի բժշկական անձնակազմի անդամները: Առաջիկա օրերին ֆուտբոլիստն անցկացնելու է հիվանդանոցում:
Ազարը վնասվածքը ստացել է Իսպանիայի առաջնության 25-րդ տուրում՝ «Լևանտեի» դեմ խաղում: Բելգիացին նոր էր ապաքինվել նախորդ տարվա նոյեմբերին ստացած վնասվածքից հետո:
Նախկինում հաղորդվում էր, որ վիրահատության պարագայում Ազարը բաց կթողնի մրցաշրջանի մնացած հատվածը:
Էդենը նախորդ ամռանն է տեղափոխվել «Ռեալ» ու այս ընթացքում Լա լիգայում մասնակցել է 10 խաղի՝ դառնալով 1 գոլի հեղինակ ու 1 արդյունավետ փոխանցման հեղինակ:
