Բրիտանացի ընտանիքը խանութում գնված բանանի կապում հայտնաբերել է Բրազիլիայից ներմուծված թունավոր սարդեր: Այս մասին գրում է The Mirror-ը:
Լոնդոնում բնակվող Թեյլորների ընտանիքը բանանը գնել է սովորական սուպերմարկետում: Տանտիրուհին ասել է, որ սկզբից իրեն թվացել է, թե բանանը փչացել է կամ կեղտոտ է: Սակայն սարդերը տարածվել են հանկարծ բնակարանով մեկ և խուճապ առաջացրել: Մասնագետները պարզել են, որ դրանք թունավոր բրազիլական սարդեր են:
