Ֆուտբոլի Հայաստանի Բարձրագույն խմբի առաջնության նորեկ «Երեւանի» ղեկավարությունը երկկողմանի համաձայնությամբ խզել է պայմանագիրը թիմի գլխավոր մարզիչ Նեբոշյա Պետրովիչի հետ, հայտնում է ակումբի Ֆեյսբուքյան պաշտոնական էջը:
Ակումբը շնորհակալություն է հայտնել սերբ մասնագետին ծավալած աշխատանքի համար եւ հաջողություն մաղթել հետագա մարզչական կարիերայում:
«Երեւանը» թիմի նոր գլխավոր մարզիչին կներկայացնի առաջիկա օրերին:
59-ամյա մասնագետը կարիերայի ընթացքում գլխավորել է սերբական «Ռադը», «Մլադենովացը», «Բելգրադը», մակեդոնական «Սիլեկսն» ու «Պոբեդան»։
