Ինչպես արդեն տեղեկացրել էինք, այսօր առավոտյան Նիդերլանդների մայրաքաղաքում պայթյուն էր որոտացել։
Քիչ առաջ տեղեկություն տարածվեց, որ այդ պայթյունից կես ժամ անց տեղի է ունեցել եւս մեկը` այս անգամ Կերկրադե քաղաքում։ Այս մասին հաղորդում է NU.nl-ը։
Ըստ տեղեկության` երկրորդ պայթյունը տեղի է ունեցել փոստային ընկերության տեսակավորման կենտրոնում։ Ենթադրվում է, որ պայթուցիկը եղել է նամակում կամ ծանրոցի մեջ։
Տուժածներ չկան։
Ոստիկանությունը դեռ չի կարող ասել, թե կապ կա՞ արդյոք Ամստերդամի եւ Կերկրադեի պայթյունների միջեւ։
