Անցած տարի՝ 2012-ին, «Հարավկովկասյան երկաթուղի» ՓԲԸ իրականացրած միջազգային ուղևորափոխադրումներըը 2008-ի համեմատ եռապատկվել են, իսկ Երևան-Բաթումի-Երևան ուղղություններով՝ աճել են 6 անգամ: Այս մասին այսօր լրագրողների հետ հանդիպման ժամանակ ասաց «Հարավկովկասյան երկաթուղի» ՓԲԸ գլխավոր տնօրեն Վիկտոր Ռեբեցը: Նրա խոսքով, սպասվում է, որ 2013-ին ուղևորափոխադրումների ծավալը չի փոխվի: Ընդ որում, այս տարի, նախորդ տարվա համեմատ, բեռնափոխադրումների ծավալը մի փոքր նվազել է՝ կախված այն բանից, որ նվազել են ներմուծման ծավալները (արտահանման ծավալներն աճել են):
