Նավթի շուկայի անկումից հետո ռուսական տնտեսությունը սրընթաց կորցնում է արտարժույթով եկամուտների երկրորդ առանցքային աղբյուրը՝ գազի արտահանումը Եվրոպա։ Եվրոպական գազի գները շարունակում են նվազել, թարմացնելով պատմական գնանկումն ամեն օր։ Բրիտանական National Balancing Point հարթակում չորեքշաբթի մատակարարվող գազն արժե 42,27 դոլար հազար խորանարդ մետրի դիմաց, իսկ հաջորդ շաբաթվա պայմանագրերը կնքվում են 36,85 դոլարով հազար խորանարդ մետրի դիմաց։ Այս մասին հայտնում է Interfax-ը։
2019 թվականի հունվար-սեպտեմբերին Գազպրոմ ընկերությունը երկրի ներսում գազը վաճառել է 4050 ռուբլով՝ հազար խորանարդ մետրի դիմաց: Սա 62,3 դոլար է վերահաշվարկ-փոխարժեքով նախորդ տարվա երրորդ եռամսյակում (64,97 ռուբլի մեկ դոլարի դիմաց) եւ 52,8 դոլար, եթե օգտագործնում եք ընթացիկ փոխանակման փոխարժեքը (76,64 ռուբլի մեկ դոլարի դիմաց):
Եթե բրիտանական գնանշումները համեմատենք ՌԴ-ի տարբեր սուբյեկտների համար գազի գների հետ, ապա այժմ արդյունաբերական սպառողների համար վառելիքն ավելի էժան է միայն արդյունահանման տարածաշրջաններում:
Հոլանդական TTF բորսայում, գազի գինը նվազել է մինչեւ 66,8 դոլար հազար խորանարդ մետրի դիմաց: Դա 12%-ով կամ 9,2 դոլարով ցածր է նախորդ շաբաթվա միջին գնանշումներից ։
