Եվրոպական Միությունը որոշ փոփոխություններ է մտցրել Սիրիայի նկատմամբ կիրառվող պատժամիջոցներում։ Այս մասին հաղորդում է Interfax գործակալությունը։
Փոփոխությունները կապված են Սիրիայից քիմիական զենքի դուրս բերման հետ։ Այժմ Սիրիան կարող է քիմիական զենք կամ դրա հետ կապված սարքեր ներմուծել և արտահանել, եթե դրանք անհրաժեշտ են ՄԱԿ-ի ծրագիրն իրականացնելու համար։
Բացի այդ, արգելվել է Սիրիայից մշակութային արժեքների արտահանումը, ինչը կարող է կանխել Սիրիային մշակութային լուրջ կորուստը պատերազմական գործողությունների արդյունքում։
