Ամերիկյան The Wall Street Journal-ը հրապարակել է ռուսաստանյան այն հսկա ընկերությունների անունները, որոնք լուրջ պատժամիջոցների են ենթարկվելու Եվրամիության կողմից այդ փաթեթն ընդունելոց հետո։
Մասնավորապես, նշվում է «Տրանսնեֆտի», «Գազպրոմի», «Գազպրոմնեֆտի», «Օբորոնպրոմի», «Միացյալ ավիաշինարարական կորպորացիայի», «Ուրալվագոնզավոդի» անուննեը։ Վերջին ընկերությունը մեծ քանակությամբ զենք և զինամթերք է մատակարարում Ադրբեջանին։
Բացի այդ, պատժամիջոցներ կկիրառվեն «Սիրիուս», «Կալաշնիկով» և «Ստանկոինստրումենտ» ընկերությունների դեմ։
Բոլոր այս ընկերությունները կզրկվեն արևմտյան ֆինանսական հաստատություններում վարկեր և ֆինանսական միջոցներ ստանալու հնարավորությունից, որոնց մարման համար անհրաժեշտ է 30 և ավելի օր։
Նոր պատժամիջոցներն ուժի մեջ կմտնեն վաղվանից։
