Եվրոպական Միությունը չի պատրաստվում կատարել Ուկրաինայի իշխանությունների պահանջը՝ օժանդակել նրանց հսկայական ֆինանսական օգնությամբ: Այս մասին հայտարարել է Եվրահանձնաժողովի ներկայացուցիչ Օլիվյե Բեյլին: Նրա խոսքերով` մշակված նախագիծն արդեն ենթադրում է օժանդակություն Ուկրաինային տնտեսության հարցում, քանի որ նախատեսում է ներդումներ:
«Ուկրաինայի նյութական բարեկեցությունը և ապագան չպետք է դառնան առևտրի առարկա, քանի որ այստեղ հաղթում է նա, ով շատ գումար է առաջարկում», — ասել է եվրահանձնաժողովի ներկայացուցիչը: Այս մասին հաղորդում է Deutsche Welle-ն:
Ավելի վաղ Նիկոլայ Ազարովը հայտարարել էր, որ ԵՄ-ի ասոցացման մասին համաձայնագիրը ստորագրելու դեպքում իրեն անհրաժեշտ կլինի 20 մլրդ դոլար:
