Վրաստանի նախկին վարչապետ Բիձինա Իվանիշվիլին ենթադրում է, որ մինչև այս տարվա վերջ ինքը կստանա վրացական անձնագիր: Այս մասին նա ասել է ռուսական Forbes-ի հետ զրույցում, որն առաջինն էր վարչապետի հրաժարականից հետո:
«Ես դեռ Ֆրանսիայի քաղաքացի եմ: Վարչապետ էի՝ ֆրանսիական անձնագրով: Եթե այն ժամանակ վերականգնվեր վրացական անձնագիրը, ես արդեն կարող էի վարչապետ դառնալ: Այսպես է Սաակաշվիլին այլանդակել մեր Սահմանադրությունը: Այժմ Գերագույն դատարանը քննարկում է այս հարցը և մինչև դեկտեմբերի վերջ, կարծում եմ, կվերականգնվի վրացական իմ քաղաքացիությունը»,- հայտարարել է Բիձինա Իվանիշվիլին:
Իվանիշվիլին հավելել է, որ իր ընտանիքի անդամներն ունեն ռուսական քաղաքացիություն, և որ ինքն էլ կարող է վերականգնել այն, սակայն դրա անհրաժեշտությունն առայժմ չի տեսնում:
