Եվրոպական միության անդամ երկրների դիվանագետներն ապրիլի 28-ին արտահերթ նիստ են գումարելու Բրյուսելում, որպեսզի քննարկեն Ռուսաստանի նկատմամբ հնարավոր պատժամիջոցներ կիրառելու հարցը, ինչպես նաև Ուկրաինայում ստեղծված իրավիճակը։ Այս մասին գրում է Reuters-ը։
Բացի այդ, ԵՄ-ն մտադիր է առաջիկայում մեծացնել Ռուսաստանի այն քաղաքացիների թիվը, որոնք հայտնվելու են «սև ցուցակում»։
Ավելի վաղ «Մեծ յոթնյակի» երկրներն Ուկրաինայում ճգնաժամային իրավիճակի զարգացման պատճառով համաձայնեցրել էին Ռուսաստանի Դաշնության նկատմամբ նոր պատժամիջոցներ կիրառելու հարցը։
