Ուկրաինայի նոր արտգործնախարար Անդրեյ Դեշչիցան այսօր հայտարարել է, որ ԵՄ հետ ասոցացման մասին համաձայնագրի քաղաքական մասն արդեն պատրաստ է և կարող է ստորագրվել մարտի 17-ին կամ 21-ին: Այս մասին հաղորդում է Segonya.ua-ն:
«Ուղղակի անհրաժեշտ է տեխնիական պայմանավորվածություն ձեռք բերել այն ստորագրելու օրվա վերաբերյալ: Փաստորեն, դա կարելի է անել ամսի 17-ին, երբ հավաքվի Եվրոպայի խորհուրդը, կամ 21-ին», — ասել է Դեշչիցան «1+1»-ի ուղիղ եթերում:
Ուկրաինայում փետրվարի 22-ին տեղի ունեցած իշխանափոխությունից հետո նոր իշխանությունները սերտացրել են հարաբերությունները ԵՄ-ի և ՆԱՏՕ-ի հետ:
