«Բարսելոնայի» կիսապաշտպան Անդրես Ինյեստան Իսպանիայի առաջնության 11-րդ տուրի «Սելտայի» հետ հանդիպումից առաջ անդրադարձել է կատալոնական ակումբի առավելությանը «Ռեալի» նկատմամբ, ինչպես նաև Էլ Կլասիկոյին, որը կայացել է անցյալ շաբաթ օրը:
««Բարսելոնան» առայժմ չի ցուցարում իր լավագույն խաղը: Թիմը պետք է շարունակի բարելավել իր խաղը, որպեսզի պայքարի տիտղոսների համար: Այս փուլում մեր առավելությունն առաջնությունում առայժմ ոչինչ չի նշանակում, քանի որ առջևում դեռ շատ խաղեր կան: Սակայն, անկասկած, «Ռեալի» դեմ հաղթանակը լրացուցիչ շարժառիթ է տալիս: «Սելտայի» դեմ խաղում պետք է վաստակենք 3 միավոր, այլապես «արքայական» թիմի նկատմամբ հաղթանակը կարժեզրկվի», — ասել է Ինյեստան: Այս մասին գրում է Goal.com-ը:
