Մյունխենի «Բավարիայի» կիսապաշտպան Արյեն Ռոբենը խոսել է Չեմպիոնների լիգայի կիսաեզրափակիչ «Չելսի» — «Ատլետիկո» պատասխան հանդիպման մասին, ինչպես նաև նշել, թե իր կարծիքով որ թիմն է հաղթելու եզրափակիչում։
«Ինձ առանձնապես չի հետաքրքրում մյուս զույգը։ Նրանք 90 րոպե խաղացին, և ես չկարողացա դիտել այն, քանի որ չեմ կարծում, որ այդ խաղն ինչ-որ կապ ուներ ֆուտբոլի հետ։
Սակայն դա նորմալ է։ Երկու մարզիչն էլ… Նրանցից յուրաքանչյուրն իր խաղն է փորձում խաղալ, սակայն կարծում եմ, որ «Ռեալը» կհաղթի եզրափակիչում, և ես նրանց հաջողություն եմ մաղթում», — ասել է հոլանդացի ֆուտբոլիստը։
Նշենք, որ «Բավարիան» երկու խաղերի արդյունքում 0։5 հաշվով պարտվեց Մադրիդի «Ռեալին»։
