Եգիպտոսում «Մուսուլման եղբայրներ» կազմակերպության աջակից ուսանողները Ալ-Ազհար համալսարանի տարածքում երկու համալսարանական շենք են այրել: Այդ մասին հաղորդում է Gazeta.ru-ն՝ հղում անելով Reuters-ին:
Իսլամիստ ուսանողները նախ խոչընդոտել են իրենց համակուրսեցիներին քննություններ հանձնել՝ չթողնելով նրանց լսարաններ գնալ: Դեպքի վայր եկած ոստիկանությունը արցունքաբեր գազ է օգտագործել նրանց դեմ: Ոստիկանների հետ բախումների արդյունքում իսլամիստ ուսանողները աշխարհում ամենահին համալսարաններից մեկի՝ Ալ-Ազհարի երկու համալսարանական շենք են այրել:
Հիշեցնենք, որ վերջերս «Մուսուլման եղբայրներ» կազմակերությունը պաշտոնապես ճանաչվել էր որպես ահաբեկչական խմբավորում:
