Դուբայում գործող Damac Properties շինարարական ընկերությունը որոշել էլիտային շենքերում փենթհաուսների գնորդներին նվիրել 2014 թվականի արտադրության Lamborghini Aventador Roadster ավտոմեքենաներ: Հաղորդում է Firstpost Business-ը:
Այս մասին ընկերությունը հայտարարել է Դուբայում գործող առևտրային փառատոնի ժամանակ, այն կգործի մինչև այս տարվա փետրվարի 2-ը, երբ կփակվի փառատոնը: Ավելի էժան բնակարաններ գնած հաճախորդները նվեր կստանան BMW կամ Mini Cooper մեքենաներ:
Բնակարանների գնի մասին չի հաղորդվում:
Սա եզակի դեպք չէ, երբ Damac Properties-ը նման ակցիաներ է իրականացնում: Անցած տարի շինարարական այդ ընկերությունը նվիրել է Audi մակնիշի մեքենաներ:
