Դոնբասի հայրենասիրական ուժերի կոմիտեն այսօր որոշում է կայացրել չեղյալ հայտարարել երեկ իր կողմից կայացրած այն որոշումը, որով Դոնեցկի շրջանն անջատվել էր Ուկրաինայից և հայտարարվել անկախ պետությունը՝ Դոնեցկի Ժողովրդական Հանրապետություն։ Այս մասին գրված է կազմակերպության ֆեյսբուքյան էջում։
«Վերջին օրերին Հայրենասիրական ուժերի կոմիտեն ստացել է քաղաքացիների բազմաթիվ դիմումներ, որում նրանք իրենց անհամաձայնությունն են հայտնում Դոնեցկի հանրապետության հռչակման, այն հարևան պետությանը միացնելու, ինչպես նաև առանց համապատասխան օրենսդրական ապահովման հանրաքվեի անցկացման կապակցությամբ», — ասվում է հայտարարության մեջ։
Ըստ այդմ՝ որոշվել ․
1․ Չեղյալ հայտարարել Դոնեցկի Հանրապետության ստեղծումը։
2. Առանց համապատասխան օրենսդրական բազայի չանցկացնել հանրաքվե։
3. Անօրինական համարել Դոնեցկի անջատվելն Ուկրաինայից և այն պահպանել Ուկրաինայի անկախ պետության կազմում։
