Հոլիվուդյան ամենասիրված դերասաններից մեկը՝ Լեոնարդո դի Կապրիոն պատրաստվում է նիհարել, քանի որ լուրջ մտահոգություններ ունի իր ավել քաշի կապակցությամբ։ Նա ամաչում է մերկանալ լողափերում և չի թաքցնում, որ լավ ախորժակ ունի։ Ջեք Նիքոլսոնի հետ համեմատվելուց հետո Դի Կապրիոն որոշել է հետևել սննդակարգի՝ նիհարելու համար։ Այս մասին հաղորդում է The Hollywood Gossip-ը։
39-ամյա դերասանի երկրպագուները սոցցանցերում հաճախ նշում են, որ դերասանն այնքան է գիրացել, որ նմանվել է 77-ամյա Ջեք Նիկոլսոնին։ Դի Կապրիոն որոշել է՝ մինչև իր 40-ամյակը, որը լրանում է այս տարվա նոյեմբերի 11-ին, ինքը զգալի կնիհարի։ Այդ պատճառով, Դի Կապրիոն հրաժարվել է իր սիրելի պաստայից, ինչպես նաև ալկոհոլից։ Նա աշխատում է հիմնականում տեղաշարժվել հեծանիվով։
