Կառավարության ղեկավարը նիստից առաջ ցանկացավ իմանալ, թե ինչ հսկողական պատժամիջոցներ են ձեռնարկվել պարետատան սահմանած կանոնները խախտելու դեպքերում:
Տեսչական մարմինների աշխատանքների համակարգման ղեկավար Արթուր Ասոյանն ասաց, որ չորս տեսչական մարմինների կողմից իրականացվում է վերահսկողություն:
Նա ներկայացրեց, որ մեկ շաբաթվա ընթացքում շուրջ 80 հանրային սննդի օբյեկտ է փակվել, ևս 12-ը պարետի որոշմամբ կփակվի այսօր:
Ոստիկանապետն էլ ներկայացրեց կատարված վերահսկողական աշխատանքները: Նա նշեց, որ ընդհանուր առմամբ կազմվել է 900-ից ավելի արձանագրություն:
Վարչապետն էլ ասաց, որ ինքն ակնկալում է, որ կատարվող աշխատանքներն ավելի կխստացվեն:
Կառավարության ղեկավարը նշեց, որ կլինեն ռեյդեր, որպեսզի պարզ լինի, թե ինչպես է կատարվում միջոցառումների պահպանումը:
ԿԳՄՍ նախարարն ասաց, որ հանգստյան օրերը վարակի տարածումը կարող է խթանել, և կոչ արեց դպրոցականներին զերծ մնալ և խստագույնս պահպանել ցուցումները`չկազմակերպել հավաքույթներ, կուտակումներ:
Վարչապետը հիշեցրեց, որ այս հիվանդության առանձնահատկություններից մեկը ախտանիշ չունենալն է:
«Երբ երկրում կան հազարավոր հիվանդներ և չգիտեն, որ իրենք չգիտեն իրենց հիվանդության մասին, դիմակի կրումը պայանավորված է սրանով։ Այդ իսկ պատճառով դիմակ կրելը պարտադիր է վարչապետից սկսած, մնացած բոլորով ավարտած»:
Հայկ Մագոյան
