ԱԺ ՀՀԿ խմբակցության ղեկավար Գալուստ Սահակյանը կարծում է, որ «Հայաստանի Հանրապետության կառավարության եւ Ռուսաստանի Դաշնության կառավարության միջեւ «ՀայՌուսգազարդ» փակ բաժնետիրական ընկերության բաժնետոմսերի առքուվաճառքի եւ հետագա գործունեության պայմանների մասին» համաձայնագրի քվեարկությունը անցել է առանց խախտումների. «Հաշվիչ հանձնաժողովում երեք հոգի հաշվում էինˋ երկու հոգի ՀՀԿ-ից և մեկ հոգի «Օրինաց Երկրից», առավել ևս ամբողջ ընդդիմությունը հետևում էր և կարող էր հաշվել: Այնպես որ քվորում եղել է»,- կարծում է Գալուստ Սահակյանը:
Պատգամավորը վրդովված էր «Ժառանգություն» խմբակցության ղեկավար Զարուհի Փոստանջյանի կատարած քայլերից և կարծում է , որ պատգամավորների գրանցման քարտերը վերցնելը խուլիգանություն է.«Պետք է ոչ թե քվորման մասին խոսեք, այլ այն հերթական խուլիգանության, որը տեղի ունեցավ նիստերի դահլիճում: Պատգամավորին ոչ ոք իրավունք չունի խանգարելու իր աշխատանքը իրականացնել, առավել ևս, եթե խանգարողը ևս պատգամավոր է»,- ասաց պատգամավոր Գալուստ Սահակյանը:
