«Օկլահոմա Թանդեր» բասկետբոլային թիմի երկրպագու Քեմերոն Ռոդրիգեսը կարող է զրկվել իր 20 հազար պարգևավճարից, որը նա շահել էր դաշտի կենտրոնից գնդակը զամբյուղի մեջ նետելու համար:
Քեմերոնն անցած շաբաթ «Դենվերի» հետ խաղից առաջ կազմակերպված մրցույթում գնդակը կարողացել էր հեռու տարածությունից նետել զամբյուղի մեջ և ստանալ մեծ պարգևավճար: Բայց, քանի որ Ռոդրիգեսը Կանզասի համալսարանի ուսանող է, որտեղ հանդես է գալիս բասկետբոլային թիմի կազմում, կազմկոմիտեն որոշել է հետ վերցնել գումարը, քանի որ, սահմանված կարգով, մարզիկն իրավունք չուներ մասնակցել այդ մրցույթին:
