Գրականության նոբելյան մրցանակակիրը հայտնի՞ է․ բուքմեյքերները տարօրինակ խաղադրույքներ են ընդունում

Ladbrokes բուքմեյքերական ընկերությունը հայտարարել է, որ տարօրինակ կերպով ավելանում են Գրականության Նոբելյան մրցանակի հավակնորդ նորվեգացի գրող Յուն Ֆոսեի համար արվող խաղադրույքները։ Այս մասին գրում է The Guardian-ը։

Սկզբում նրա համար ընդունվող խաղադրույքի գործակիցը կազմում էր 100-ը՝ 1-ի, ապա 33-ը՝ 1-ի, 14-ը՝ 1-ի։ Խաղադրույքները հիմնականում կատարվել են Նորվեգիայից։ Որոշ ժամանակ անց Ֆոսեի անունը կորել է խաղադրույքների ցանկից, ապա կրկին վերականգնվել է։ Այսպիսի «թռիչքը» բուքմեյքերները տարօրինակ են համարում։

Այդուհանդերձ, մրցանակի ամենահավանական նվաճողներն են համարվում ճապոնացի Հարուկի Մուրակամին (3-ը՝ 1-ի), ամերիկուհի գրող Ջոս Քերոլ Ուոթսը (6-ը՝ 1-ի), հունգարացի դրամատուրգ Պետեր Նադաշը (7-ը՝ 1-ի) և հարավկորեացի պոետ Կո Ուն (10-ը՝ 1-ի)։