Սիրիական կառավարությունը հայտնել է կանադացի Կարլ Կամպոյի ազատ արձակման մասին: Վերջինս անհայտ անձանց կողմից առևանգվել էր 2013-ի փետրվարին Գոլանի բարձրունքներում:
Ըստ Դամասկոսի հաղորդմամբ՝ Կամպոն առևանգվել էր «ահաբեկիչների» կողմից, ովքեր գործում էին Սիրիայի և Իսրայելի միջև ընկած սահմանաբաժան գոտում: Հրադադարի պահպանման ռեժիմը այստեղ գտնվում է ՄԱԿ-ի զինվորականների հսկողության տակ, որոնցից մեկն էլ Կարլ Կամպոն էր:
2013-ի փետրվարին կանադացուն առևանգելու համար ոչ մի կազմակերպություն պատասխանատվություն չվերցրեց իր վրա:
