Պահեստազորի գնդապետ Վոլոդյա Ավետիսյանին առաջադրվել է մեղադրանք ՀՀ քրեական օրենսգրքի 178-րդ հոդվածի 2-րդ մասի 2-րդ կետով՝ խոշոր չափերի խարդախություն, նրա նկատմամբ խափանման միջոց է ընտրվել կալանավորումը: Այդ մասին ասաց ՀՀ ՊՆ քննչական ծառայության ավագ սպա Մերի Սարգսյանը: Ըստ մեղադրանքի, Վոլոդյա Ավետիսյանը «խաբեության և վստահությունը չարաշահելու եղանակով քաղ. Հ. Զաքարյանի թոռան պարտադիր ժամկետային զինվորական ծառայությունից ազատելու հարցում աջակցություն ցույց տալու պատրվակով, Հ. Զաքարյանից հափշտակել է 2000 ԱՄՆ դոլար գումար»:
Քննչական մարմինը «գաղտնազերծեց» նաև, թե երբ է կատարվել մեղսագրվող արարքը՝ ըստ քննություն իրականացնող մարմնի, այն տեղի է ունեցել մեկուկես ամիս առաջ՝ սույն թվականի օգոստոսի 13-ին: Գնդապետի պաշտպան Արա Զաքարյանը չէր բացառել, որ, հնարավոր է, իր պաշտպանյալին մեղսագրված արարքը կապ ունենա ամիսներ շարունակ պահեստազորի գնդապետի կողմից կազմակերպված բողոքի ակցիաների հետ:
Նախաքննությունը շարունակվում է :
Աղբյուր` http://pastinfo.am
