Ամերիկացի գիտնականները կարողանում են պարզել համակարգչային խաղերի մասնակցի սեռը նրա ավատարի միջոցով: Այս մասին ասվում է Information, Communication and Society գիտական ամսագրում հրապարակված հոդվածում:
Ըստ գիտնականների` դա հնարավոր է անել նույնիսկ այն դեպքում, երբ գեյմերը խաղում է հակառակ սեռի կերպարով: Գիտնականներն ուսումնասիրել են համակարգչային խաղերի սիրահարների պահվածքը World of Warcraft խաղում: Նրանք պարզել են, որ առցանց-խաղերի մասնակից մարդկանց վարքը հիմնվում է այն նույն գենդերային որոշումների վրա, որոնք կան իրական կյանքում:
Դրա արդյունքում գիտնականները պնդում են, որ կարող են պարզել խաղացողի սեռը, անկախ նրանից, թե ինչ ավատար է նա օգտագործում:
