Մեծ Բրիտանիայում անցկացված հետազոտության արդյունքում մասնագետները եկել են այն եզրակացության, որ բժշկությունը մեծ քայլ է կատարել Ալցհեյմերի հիվանդությունը բուժելու ուղղությամբ։ Այս մասին հաղորդում է BBC-ն։
Հետազոտության արդյունքները հրապարակվել են Science Translational Medicine ամսագրում։ Գիտնականները ցուցադրել են, թե ինչպես դեղամիջոցը կարող է կանգնեցնել ուղեղի բջիջների մահը։ Գիտնականները նաև նշում են, որ բոլոր մարդկանց համար այս բուժումը հասանելի կլինի մոտ 10 տարուց։ Քինգս քոլեջի պրոֆեսոր Ռոջեր Մորիսը բժշկության մեջ այս հետազոտությունը համարում է շրջադարձային։ Հաջող ավարտի դեպքում հնարավոր կլինի բուժել ուղեղի նաև այլ հիվանդություններ, այդ թվում՝ պարկինսոնի հիվանդությունը։
