Գերմանիայում կորոնավիրուսի վարակակիրների թիվը հատել է 170 000-ի սահմանը, հայտնում է gazeta.ru կայքը՝ հղում տալով ԳԴՀ առողջապահության նախարարությանը կից Ռոբերտ Կոխի ինստիտուտի հրապարակած տվյալներին։
Հայտնի է, որ երկրում նախօրեին հայտնաբերվել է կորոնավիրուսով վարակման 913 նոր դեպք։ Համավարակի սկզբից վարակակիրների թիվն այստեղ հասել է 173 152-ի։
Մահվան ելքով դեպքերի թիվն ավելացել է 101-ով՝ ընդհանուր հասնելով 7824-ի։ Միևնույն ժամանակ համավարակի սկզբից ապաքինվել է 151 000 մարդ։
