ԱՄՆ-ի ազգային անվտանգության գործակալությունը, որին մեղադրում են զանգվածային գաղտնալսումների մեջ, հայտարարել է, որ ամբողջ աշխարհում բջջային սարքերի տեղակայման փոփոխությանը հետևելու հրաման տրվել է դեռ 30 տարի առաջ, երբ Սպիտակ տունը ղեկավարում էր Ռոնալդ Ռեյգանը։ Ըստ գործակալության ներկայացուցչի տվյալների՝ 12333 համարով հրահանգը տրվել է Ռեյգանի կողմից 1981 թվականին։
Համաձայն այդ հրահանգի՝ լրտեսումն իրականացվում է բացառապես արտասահմանում։ ԱԱԳ-ի ներկայացուցիչն ասել է, որ իրենք գաղտնալսումներ են իրականացրել աշխարհի ամենավտանգավոր մասերում, որտեղ կա ահաբեկչության վտանգ։
Հիշեցնենք, որ Էդվարդ Սնոուդենի կողմից The Washington Post-ին տրամադրված փաստաթղթի համաձայն՝ ԱԱԳ-ն ամեն օր հնարավորություն ունի տվյալներ հավաքելու աշխարհում կատարվող 5 մլրդ հեռախոսազանգերի վերաբերյալ։
