ՊԵԿ նախկին նախագահ Գագիկ Խաչատրյանի պաշտպանի բողոքը ՀՀ Վերաքննիչ դատարանը մերժեց։ Այս մասին լրագրողների հետ զրույցում ասել է Խաչատրյանի պաշտպան Երեմ Սարգսյանը: Վերջինս բողոքարկել էր առաջին ատյանի դատարանի որոշումը, ըստ որի՝ Գ․Խաչատրյանի նկատմամբ խափանման միջոց էր ընտրվել կալանավորումը։
Հիշեցնենք, որ Գագիկ Խաչատրյանին և նրա եղբորորդուն՝ Կարեն Խաչատրյանին, մեղադրանք է առաջադրվել պաշտոնեական դիրքի չարաշահման և առանձնապես խոշոր չափերով գույքի վատնման համար:
