Ինչպես ավելի վաղ տեղեկացրել էինք, ոսկու շուկայի աշխատակիցներն երթով շարժվել են դեպի Կառավարություն: Բողոքի ակցիայի մասնակիցերների հարցերին պատասխանելու համար Կառավարությունից դուրս է եկել Քաղաքացիների ընդունելության և դիմումների քննարկման վարչության աշխատակից Ալեքսանդր Ղազարյանը, ով ակցիայի մասնկիցներին ասել է, որ անհանգստանալու կարիք չկա, քանի որ իրենք նորից ուսումնասիրելու են խնդիրը և փորձելու են լուծումներ փնտրել: Ղազարյանը բողոքի ակցիայի մասնակիցերին հորդորել է գնալ և շարունակել աշխատանքը, մինչդեռ ակցիայի մասնակիցների մեծ մասը նշել են, որ իրենք չեն պատրաստվում հեռանալ Կառավարության շենքի դիմացից այնքան ժամանակ, քանի դեռ իրենց բարձրացրած խնդիրներին լուծում չի տրվել:
