Երաժիշտ Բոբ Դիլանի էլկտրակիթառը, որով նա ելույթ է ունեցել 1965 թվականին Նյուպորտում կայացած փառատոնի ժամանակ, 965 հազար դոլարով վաճառվել է Christie’s աճուրդների տանը։ Այս մասին հաղորդում է Reuters գործակալությունը։
1964 թվականին արտադրված Fender Stratocaster էլեկտրակիթառով Դիլանը նաև ձայնագրել է Bringing It All Back Home ալբոմը։ Այս կիթառը նաև հայտնի է նրանով, որ նախկինում Դիլանը հանդես էր գալիս ակուստիկ կիթառով, իսկ երբ նա բեմ է դուրս եկել Fender Stratocaster-ով, դահլիճից սուլոցներ են լսվել։
Christie’s աճուրդների տունը նշում է, որ սա ամենաթանկ կիթառն է, որ վաճառվել է աճուրդների պատմության ընթացքում։
