Բելգիան ամեն տարի 38.7 մլն եվրո է ծախսում թագավորական ընտանիքին ֆինանսավորելու համար։ Այս մասին հաղորդում է Knack ամսագիրը։ Մինչև հիմա հանրությունը չէր տեղեկացվում այդ ծախսերի մասին։ Ներկայումս գործող կառավարությունը և վարչապետ Էլիո դի Ռուպոն օգտվել են վերջերս Ալբերտ 2-րդի՝ գահից հրաժարվելու հանգամանքից, և փորձում են միապետությանն ուղղված ծախսերն ավելի թափանցիկ դարձնել։ Հիշեցնենք, որ այս տարվա հուլիսին հոր՝ գահից հրաժարվելուց հետո, Բելգիայի թագավոր է հռչակվել նրա որդին՝ Ֆիլիպը։
