Բելգիայի նախկին թագավոր Ալբերտը, որը գահից հրաժարվել էր անցած տարի, դժգոհություն է հայտնել իր ստացած թոշակից, որը կազմում է 923 հազար եվրո: Նախկին թագավորը պահանջել է բարձրացնել իր թոշակը:
Le Soir թերթին անհայտ աղբյուրը հայտնել է, որ Ալբերտն ամենևին չէր պատկերացնում այս վերաբերմունքը, նա չէր պատկերացնում, որ ֆինանսական դժվարություններ կունենա:
20 տարի կառավարելով որպես Բելգիայի թագավոր՝ Ալբերտը տարեկան ստանում էր 11,5 միլիոն եվրո գումար: Գահից հրաժարվելուց հետո նրա տարեկան թոշակը կազմում է 923 հազար եվրո (հարկերը գանձելուց հետո՝ 700 հազար եվրո): Նախկին թագավորին նաև հատկացվել է 10 հոգուց բաղկացած օգնական թիմ:
