Բաքվում միմյանց են բախվել ավտոբուսն ու բեռնատար գնացքը

Երեքշաբթի առավոտյան Բաքվի կենտրոնում տեղի է ունեցել ճանապարհատրանսպորտային պատահար՝ բախվել են բեռնատար գնացքն ու ավտոբուսը։ Այս մասին տեղեկացնում է Trend գործակալությունը։

Բախումը տեղի է ունեցել Port Baku բիզես կենտրոնի մերձակայքում։ Նախնական տեղեկություններով՝ վթարի մեղավորն ավտոբուսի վարորդն է, ով չի զիջել գնացքին։ Տուժել է 6 մարդ, որոնցից 5-ը տեղափոխվել են հիվանդանոց։ Նրանցից 4-ի վիճակը գնահատվում է միջին ծանրության, մեկինը՝ ծանր։