Մյունխենի «Բավարիայում» լրտեսի թեման փակված է: Այս մասին հայտարարել է թիմի գլխավոր մարզիչ Պեպ Գվարդիոլան: Այս մասին հաղորդում է Bild-ը: Հիշեցնենք, որ այդ թերթը «Բորուսիայի» հետ խաղից առաջ հրապարակել էր մյունխենյան թիմի խաղային սխեման դորտմունդցիների դեմ, ինչը հարուցել էր բազմաթիվ խոսակցություններ այն մասին, որ բավարական թիմում կան լրտեսներ:
«Մենք փակել ենք այդ թեման: Նման բաներ մեծ ակումբներում լինում են: Ես պարզապես ցանկանում եմ համոզել խաղացողներին, որ պետք չէ այդ տեղեկությունները հանել թիմից», — ասել է Գվարդիոլան:
