Սիրիայի նախագահ Բաշար Ալ-Ասադի կինը՝ Ասման, ելույթ է ունեցել սիրիական հեռուստատեսությամբ և հայտարարել է, որ չի պատրաստվում լքել երկիրը: Ասման հերքել է լուրերն այն մասին, թե ինքը պատրաստվում է հեռանալ Սիրիայից: Սա այն հազվադեպ անգամներից է, երբ Ասման հեռուստատեսությամբ ելույթ է ունեցել Սիրիայում քաղաքացիական պատերազմի սկսվելուց հետո:
Նա հայտարարել է. «Իմ ամուսինն ու երեխաները գտնվում են Սիրիայում, հետևաբար ես մնալու եմ այստեղ՝ նրանց հետ: Ինչպե՞ս ես կարող եմ երեխաներիս սովորեցնել սիրել Սիրիան, եթե նրանք չապրեն այստեղ: Ես այստեղ եղել եմ երեկ, այստեղ եմ այսօր և այստեղ կլինեմ նաև վաղը»:
