ԱԺ նախկին նախագահ Արա Բաբլոյանի և ԱԺ աշխատակազմի ղեկավարի նախկին տեղակալ Արսեն Բաբայանի վերաբերյալ քրեական գործը արդեն երրորդ անգամ Հատուկ քննչական ծառայությունը ուղարկել է դատախազություն:
Գլխավոր դատախազությունը երկրորդ անգամ չէր հաստատել Բաբլոյանի և Բաբայանի մեղադրանքը: Գործը լրացուցիչ քննության համար ուղարկվել էր Հատուկ քննչական ծառայություն:
Դատախազն անհրաժեշտություն է համարել փոփոխության ենթարկել մեղադրյալներ Արա Բաբլոյանին և ԱրսեՆ Բաբայանին առաջադրված մեղադրանքները և վերջիններիս նոր մեղադրանքներ առաջադրել:
Հիշեցնենք`ՀՔԾ-ն ԱԺ նախկին նախագահին և ԱԺ աշխատակազմի ղեկավարի նախկին տեղակալին մեղադրանք է առաջադրել երկու հոդվածներով: Նրանք մեղադրվում են պաշտոնեական կեղծիքի և իշխանությունը յուրացնելու հոդվածներով:
Հայկ Մագոյան
