Աֆղանստանի նախագահ Համիդ Քարզայը կոչ է արել «Թալիբանին» միանալ Միացյալ Նահանգների հետ համաձայնագրի վերաբերյալ բանակցություններին:
«Մենք կոչ ենք անում միանալ Աֆղանստանի ավագանուն, կիսվել տեսակետներով և արտահայտել դիտողությունները»,- ասել է Քարզայը: Այս մասին հաղորդում է Al-Arabiya-ն: Ավագանու ժողովը, որի ժամանակ քննարկվելու է ՆԱՏՕ-ի զորքերի դուրսբերումից հետո Աֆղանստանի և Միջազգային ուժերի համագործակցության հարցը, նախատեսված է նոյեմբերի 21-ին:
