Աֆղանստանում հայտարարել են, որ ավարտել են բանակցությունները ԱՄՆ-ի հետ, ուր քննարկվում էր ամերիկյան զինված ուժերի դուրս բերման հարցը: Այս մասին հաղորդում է Reuters գործակալությունը:
Աֆղանստանի նախագահի մամուլի քարտուղար Այմալ Ֆայզին ասել է, որ ԱՄՆ-ի և Աֆղանստանի իշխանությունները պայմանավորվել են ԱՄՆ զինված ուժերի հետագա կարգավիճակի վերաբերյալ: Սակայն Սպիտակ տունը հերքում է այս հայտարարությունը` նշելով, որ առայժմ որոշ հարցեր մնում են չպարզաբանված, և դրանք անհրաժեշտ է լուծել:
