Ապրիլից Քեմբրիջի դուքսն ու դքսուհին պատրաստվում են ճամփորդության մեկնել Ավստրալիա և Նոր Զելանդիա, որի ժամանակ արքայազն Ուիլյամն ու նրա կինը շատ զբաղված են լինելու: Այդ պատճառով արքայական ընտանիքը մտադիր է վարձել դայակ, ով շուրջօրյա կխնամի արքայազն Ջորջին: Այս մասին հաղորդում է Euromag-ը:
Այժմ երեխային խնամում է արքայազն Ուիլյամի 71-ամյա դայակը` Ջեսի Ուեբը, ով հնարավոր է, շուտով թողնի այդ աշխատանքը: Կինն արդեն անցել էր թոշակի, երբ Ուիլյամը նրան խնդրել է խնամել իր որդուն, սակայն երեք ամիս անց նա կհեռանա: Նշվում է նաև, որ ճամփորդության ընթացքում երիտասարդ ընտանիքին կօգնի նաև Քեյթի մայրը:
