Արոնյանն ու Անանդը շարունակում են գլխավորել մրցաշարային աղյուսակը. Հավակնորդների մրցաշար

Հայաստանի առաջատար շախմատիստ Լևոն Արոնյանը Ռուսաստանի Խանտի Մանսիյսկ քաղաքում անցկացվող Շախմատի աշխարհի առաջնության հավակնորդների մրցաշարի 8-րդ տուրում սպիտակ խաղաքարերով ոչ-ոքի խաղաց մրցաշարի մյուս առաջատարի՝ հնդիկ գրոսմայստեր Վիշվանաթան Անանդի հետ։

ՖԻԴԵ-ի դասակարգման երկրորդ համարն ու աշխարհի նախկին չեմպիոնն ընդամենը 19 քայլից հետո խաղաղ ելքով ավարտեցին պարտիան։ Վեսելին Թոփալով — Շահրիյար Մամեդյարով և Վլադիմիր Կրամնիկ — Դմիտրի Անդրեյկին պարտիաներում ևս ոչ-ոքիներ գրանցվեցին։ Իսկ մրցաշարի հետնապահ Սերգեյ Կարյակինը սևերով պարտության մատնեց Պյոտր Սվիդլերին։

8 տուրից հետո մրցաշարային աղյուսակը հետևյալ տեսքն ունի՝

Արոնյան – 5 միավոր

Անանդ – 5

Կրամնիկ – 4,5

Սվիդլեր – 3,5

Թոփալով – 3,5

Մամեդյարով – 3,5

Անդրեյկին – 3,5

Կարյակին – 3,5