«Իմ քայլը» խմբակցության պատգամավոր, ԵԿՄ ղեկավար Սասուն Միքայելյանն այսօր լրագրողներին ասել է՝ ԱԱԾ տնօրեն Արթուր Վանեցյանն իր ընկերն է: «ԱԱԾ պետը իմ ընկերն է, իմ ընկերն էլ մնալու է»,- ասել է պատգամավորը:
Արթուր Վանեցյանի՝ Փաշինյանին ուղղված «կանգ առնելու» կոչի վերաբերյալ Սասուն Միքայելյանն ասաց.«Բոլորս պիտի սթափվենք, որովհետեւ գիտեք էս զորահավաքն ինչ է, Աստված չանի, եթե համախմբված չլինենք»:
Անդրադառնալով Լոս Անջելեսում Փաշինյանի հայտարարությանը, թե Արթուր Վանեցյանի նման հայտարարություն անողի ուսադիրները պետք է նետել աղբամանը, Սասուն Միքայելյանն ասել է .«Ոչ մեկ իրավունք չունի ասի, ես էլ եմ ուսադիր կրել, նման բան ոչ մեկ իրավունք չունի ասի»։
