Քաղաքական վերլուծաբան եւ քաղաքացիական ակտիվիստ Արգիշտի Կիվիրյանին վաղը ժամը 11:00-ին կանչել են ՀՔԾ կրկին հարցաքննության: Այս մասին Araratnews.am-ին հայտնեց ինքը Արգիշտի Կիվիրյանը:
«Դե եթե գործը վերսկսվել է, հիմա ինձ նորից կանչել են հարցաքննության: Բայց թե ինչ գործողություններ կլինեն, կամ նորից կհայտնեն քննության ավարտի մասին, չեմ կարող ասել, վաղը պարզ կլինի»,-ասաց Արգիշտի Կիվիրյանը:
Հիշեցնենք, որ Արգիշտի Կիվիրյանի դեմ քրեական գործ է հարուցվել 316-րդ հոդվածով Երևանի Կոմիտաս 5 հասցեում տեղի ունեցած միջադեպի առնչությամբ: Մասնավորապես՝ դեպքի վերաբերյալ ոստիկանության աշխատողը՝ դասակի հրամանատարը, հայց է ներկայացրել, թե՝ ոստիկանության ավտոմեքենայի մեջ Կիվիրյանն իր նկատմամբ բռնություն է գործադրել: Նշենք, որ Արգիշտի Կիվիրյանի փաստաբան Լուսինե Սահակյանը «աբսուրդ» էր համարել այն, որ ոստիկանի զեկուցագրի հիման վրա քրեական գործ է հարուցվել:
Լիլիթ Առաքելյսն
