Հայաստանի հավաքականի կիսապաշտպան Արաս Օզբիլիսը վնասվածքի պատճառով կարող է բաց թողնել ԱԱ-2014-ի ընտրական փուլի շրջանակում Իտալիայի հետ կայանալիք հանդիպումը: Այդ մասին նախախաղային մամլո ասուլիսի ժամանակ հայտարարել է Հայաստանի հավաքականի գլխավոր մարզիչ Վարդան Մինասյանը:
Հիշեցնենք, որ Օզբիլիսը Բուլղարիայի հետ կայացած խաղի ժամանակ ցավեր էր զգացել կոնքոսկրի հատվածում և փոխարինվել էր: «Նրա մասնակցությունը հարցականի տակ է: Վերջնական որոշում կկայացնենք վաղվա հանդիպումից առաջ կայանալիք նախախաղային մարզումից հետո»,-ասել է Մինասյանը:
