«Առյուծ արքա» մուլտֆիլմի մոտիվներով ստեղծված համանուն մյուզիքլը մոտ 997 միլիոն դոլար գումար է վաստակել: Մոտ ապագայում այն կարող է դառնալ մեկ միլիարդ դոլար վաստակած Բրոդվեի առաջին մյուզիքլը:
«Առյուծ արքա» մյուզիքլի վաստակած ռեկորդային գումարի պատճառներից մեկն այն է, որ մշտապես ընթանում է լեփ-լեցուն դահլիճում, իսկ տոմսի արժեքը տատանվում է 130-ից 199 ԱՄՆ դոլարի սահմաններում:
Դեռևս 2012թվականին «Առյուծ արքա» մյուզիքլը ճանաչվել է Բրոդվեի պատմության ընթացքում ամենաշահութաբերը` իր հասույթով շրջանցելով հայտնի «Օպերայի ուրվականը» մյուզիքլին, որը 1997թվականից Բրոդվեում հայտնվելուց հետո վաստակել էր մոտ 853,8 միլիոն դոլար:
