Իրանի ժողովուրդը ապացուցել է, որ արժանապատվությունն ու առաջընթացը հնարավոր են նույնիսկ Արևմուտքի և ԱՄՆ-ի աջակցության բացակայության պայմաններում: Այս մասին հաղորդում է IRNA գործակալությունը` հղում կատարելով Իրանի հոգևոր առաջնորդ Այաթոլլահ Ալի Խամենեիին:
Հոգևոր առաջնորդն այս հայտարարությունն արել է Իմամ Հոսեյնի անվան համալսարանում՝ Իսլամական հեղափոխության պահապանների կորպուսի կուրսանտներին դիպլոմներ հանձնելու ժամանակ, որը տեղի է ունեցել Թեհրանում: Խամենեիի խոսքերով` իրանցի ժողովրդի դեմ թշնամությունը պայմանավորված է հեգեմոն դիրքեր ունեցող տերությունների դեմ Իրանի դիմադրությամբ:
Խամենեիին հերթական անգամ շեշտել է, որ արևմտյան պատժամիջոցները չեն ազդում երկրի վրա` հավելելով, որ աշխարհում մարդկանց մեծ մասն աջակցում է Իրանին:
