Արգենտինացի անվանի հարձակվող Լիոնել Մեսսին Բրազիլիայում կայանալիք աշխարհի 2014 թվականի ֆուտբոլի առաջնությունում իր ազգային հավաքականի հիմնական մրցակից է համարում տանտերերին, իսպանացիներին, ինչպես նաև Գերմանիայի հավաքականին: Այս մասին հաղորդում է Sky Sports-ը:
«ՄԵծ ֆուտբոլում ես արժանացել եմ անհատական բոլոր մրցանակներին: Մնում է մեկ երազանք, որը դեռ չի իրականացել` անհրաժեշտ է երկրի համար հաղթել Աշխարհի առաջնությունը: Մեր թիմը վաղուց ոչ մի էական բան չի նվաճել: Արգենտինան արժանի է Մունդիալում հաղթելուն, սակայն կան ուժեզ մրցակիցներ: Բրազիլիայի, Իսպանիայի և Գերմանիայի հավաքականները այստեղ են ժամանում նույնպես աշխարհի գավաթին տիրանալու համար»,- ասել է Մեսսին, որը ներկայումս վնասվածքի պատճառով չի կարողանում դուրս գալ խաղադաշտ:
